លោក Jose Mourinho ពិភាក្សាជាមួយនឹងក្លិប Roma ក្រោយទទួលបានការហៅទូរសព្ទពីប្រធានក្លិប Chelsea

 

លោក Jose Mourinho ពិភាក្សាជាមួយនឹងក្លិប Roma ក្រោយទទួលបានការហៅទូរសព្ទពីប្រធានក្លិប Chelsea ជុំវិញដំណែងជាអ្នកចាត់ការទូទៅដែលនៅទំនេរនៅ Stamford Bridge​​ ។

ក្លិបតោខៀវ Chelsea បច្ចុប្បន្នបានឱ្យលោក Frank Lampard ដឹកនាំបណ្ដោះអាសន្ន ខណៈក្លិបកំពុង ស្វែងរកបេក្ខភាពអ្នកចាត់ការថ្មីយ៉ាងហ្មត់ចត់ ដែលមើលដូចជាគ្រោងនឹងបញ្ចប់ចំណាប់អារម្មណ៍លើលោក Mauricio Pochettino ដែលជាបេក្ខភាពសក្ដិសមជាងគេ។

អតីតអ្នកចាត់ការក្លិប Tottenham Hotspurs បាននិយាយថា លោកបានយល់ព្រមដោយពាក្យសម្ដី ក្នុងការដឹកនាំក្រុមជាអចិន្ត្រៃយ៍រហូតដល់ចុងរដូវកាលនេះ ដែលចំណុចល្អនៃកិច្ចសន្យារបស់គាត់កំពុងតែត្រូវបានពិភាក្សា។

នាយកកីឡាលោក Paul Winstanley និងលោក Laurence Stewart ទទួលខុសត្រូវលើដំណើរការជ្រើស រើសបេក្ខភាពនាំមុខ Julian Nagelsmann និង Luis Enrique លែងជាជម្រើសអ្នកចាត់ការទៀតហើយ បន្ទាប់ពីការចរចាដោយផ្ទាល់ជាមួយប្រធានក្លិបតោខៀវ ។

Chelsea ក៏ចង់ជួបជាមួយលោក Jose Mourinho ផងដែរ នេះបើយោងតាមសារព័ត៌មាន Corriere dello Sport (via Sport Witness) ដែលអះអាងថា ប្រធានក្លិប Chelsea បានខលទៅលោក Mourinho ដើម្បីណាត់ជួបគាត់ និងបានដាក់គាត់ក្នុងបញ្ជីបេក្ខភាពផងដែរ។